لست متأكد (الى حد الان) أن هذه الأغنية هي من تراث جربة .. لكنها على أغلب الضن من الجنوب الشرقي التونسي (و هنالك
.تواصل بين مناطق الجنوب في التراث اللامادي الغنائي) ... الثابت أنها تغنى في جربة
أغنية رثائية حزينة و مؤثرة
طير الحمام ولد القمري *** هز الخبر و ارجع ليا
مريت على ديارهم ننشد *** يا حبابي ريتوليش بنية ؟
قالولي راهو دايم ربي *** هزوها للقبر هدية
عالحب الي راح *** عالحب الي راح
لحقت للجبانة نجري *** نلقا لحودها معليٌة
قلعت لحودها باللحد *** نلقاها في القبر مطوية
واعيتها ما بات تتواعى *** طاح شعرها على ركبيا
عالحب الي راح *** عالحب الي راح
غلبتني الدمعة يا وخياني *** نزلت على الخدود سخية
خلتني بعدها وحداني *** لا حبيب باهي يرفق بيا
عديت بكري و عز زماني *** ماشي وراهي من كانت حية
عالحب الي راح *** عالحب الي راح
من بعدها كيفاش نساوٌي *** خلتني للعذاب ضحية
نتذكر زولها قدامي *** تمثيل عرصة رومانية
و كثيف أكحل طاح حمال *** ممشوط على الصدر دفية
عالحب الي راح *** عالحب الي راح
وجبين كي المنارة ضاوي *** شعشع نورها البدرية
وسدت ولفي ما تلوموني *** رحلت عليا و ما علموني
نبكي عليها قلبي معبي *** يا عين صبي دمعك صبي
عالحب الي راح *** عالحب الي راح
و عليت صوتي الي كان مخبي *** مشوي عليها الصبر الى ربي
و رديتها وحدة وحدة *** مبنية راهي تحت اللحدة
قولوا الي يلوم عليا *** هز التراب و شوفها هي
عالحب الي راح *** عالحب الي راح
وعليها شعر واش نحكيلكم **** طايح على صدرها رمية
و عليها جبين واش نحكيلكم *** برق الليل مشعشع ضيه
و عليها حواجب واش نحكيلكم **** خط العدول و مُت برأياه
عالجدي الي راح *** عالجدي الي راح
وعليها عيون واش نحكيلكم *** طيران البرني و شافوا ضحية
و عليها خدود و اش نحكيلكم *** قشرة رمانة قابسية
و عليها سنون واش نحكيلكم *** تبروري ليلة مطرة قوية
عالجدي الي راح *** عالجدي الي راح
و عليها صوابع واش نحكيلكم *** تمر الجريدي و الدقلية
هبلني زينها هالبنية *** خلاني تايه وصت ثنية
قولوا للي يلوم عليا *** يذري التراب يشوف القمرة
عالحب الي راح *** عالحب الي راح
2 commentaires:
هذه الأغنياء من تراث أولاد سيدي عبيد
والمعروف من الأغنياء جزء بسيط جدا فهي أطول من من هذا
والفتاة المتوافاة من سكان نفطة
حيث هناك مقطع يقول
مشيت لجريد نقل ............
........................
بباك فارس اللجمية فلان بن كذا ساكن البراهمية .................
ذكر تنفطة واصلها وفصلها وقد جن صاحب هذه الكلمات ولم يعش طويلا بعدها
هديه إلى كل من
Enregistrer un commentaire